میں نے ایک امام مسجد کے پیچھے نماز پڑھی جب انہوں نے ایک رکعت میں سجدہ کیا تو فورا کھڑے ہوگئے اوردونوں سجدوں کے درمیان جلسہ نہیں کیا اور اسی طرح دوسرا سجدہ نہیں کیا ، سیدھا کھڑے ہونے کے بعد انہیں سبحان اللہ کہہ کر لقمہ بھی دیا گیالیکن انہوں نے دوسرا سجدہ کئے بغیر نماز کو برقرار رکھااور پھر سجدۂ سہوکیا تو ہماری نماز درست ہے؟ تركنا سجدة فهل صلاتنا صحيحة

علماء کا اس بات پر اجماع ہے کہ سجدہ نما ز کے ان ارکان میں سے ہے جس کے بغیر نماز درست نہیں ہوتی ، جیسا کہ ارشاد باری تعالیٰ ہے : (ترجمہ) ’’اے ایمان والو!  تم رکوع اور سجدہ کرو‘‘۔(الحج:۷۷) اس کے علاوہ اور بھی نصوص اس پر دال ہیں۔ اگر کسی نے بھولے سے سجدہ ترک کردیا توجب تک سجدہ ادا نہ کرے اس کی نماز درست نہیں ہوگی ، لہٰذا آپ کے پوچھے گئے مسئلہ کے مطابق نما ز درست نہیں ہے اور اس کا اعادہ اب واجب ہے ۔

آپ کا بھائی

خالد بن عبد الله المصلح

17/09/1424هـ