حامداََ و مصلیاََ۔۔۔
اما بعد۔۔۔
اللہ کیتوفیق سے ہم آپ کے سوال کے جواب میں کہتے ہیں کہ
نبیؐ نے کسی مصیبت کی وجہ سے بھی موت کی تمنا کرنے سے منع فرمایا ہے۔ بخاری میں(۶۳۵۱) اور مسلم میں(۲۶۸۰) ابن علیہ عن صہیب بن عبد العزیز عن انسـؓ کے طریق سے روایت مذکور ہے کہ نبیؐ نے ارشاد فرمایا:((تم میں سے کوئی بھی کسی مصیبت کے آجانے کی وجہ سے موت کی تمنا مت کرے، اگر تمنا کرنی ہی ہے تو یہ کہے: اے اللہ جب تک میرے لئے زندگی میں خیر ہے مجھے زندہ رکھ اور اگر موت میں ہی میرے لئے خیر ہے تو مجھے موت دے دے))۔
یہ نہی موت کی دعا اس وقت کرنے پر محمول ہے جب کوئی مصیبت و پریشانی لاحق ہواور اللہ تعا لی کے فیصلے پر رضا مندی والی کیفیت نہ ہو بلکہ اس سے عدم رضا اور بے صبری کی وجہ سے تمنا کرے۔ اگر اس کے علاوہ دعا کسی اور مقصد کے لئے ہو تو اس مسئلہ میں دیکھا جائے گا۔ واللہ اعلم