ایک عورت کے پاس سونے کے بہت سارے کنگن اور ہار ہیں اور ان کی زکوٰۃ بہت زیادہ ہے ، اور عورت کو بذات خود ان میں کوئی عمل دخل نہیں ہے ، اور خاوند کے لئے ہمیشہ ان کی زکوٰۃ نکالنا آسان نہیں ہے ، اور وہ عورت ان زیورات اور گہنوں کو بہت کم پہنتی ہے ، اب سوال یہ ہے کہ اگر وہ عورت ان زیورات کو تنگی کے وقت کے لئے کسی ضرورت کے تحت رکھے اور ان کی زکوٰۃ نہ نکالے تو کیا اس پر گناہ ہوگا؟ اور یہ بات ضرور پیش نظر رہے کہ اس عورت کا خاوند آج کل مالی بحران کا شکار ہے اور وہ کسی بھی دن ان کو فروخت کر سکتا ہے زكاة الحلي

حمد و ثناء کے بعد۔۔۔

بتوفیقِ الٰہی آپ کے سوال کا جواب پیشِ خدمت ہے:

سوال سے تو بظاہر یہی لگتا ہے کہ ان گہنوں اور زیورات سے مقصود زیب و زینت نہیں ہے بلکہ ان کو وقتِ ضرورت کے لئے رکھا گیا ہے اور کتاب وسنت میں وارد شدہ نصوص کی عمومیت کا اعتبار کرتے ہوئے زیورات پر زکوٰۃ کے وجوب کی وجہ سے ان میں زکوٰۃ واجب ہے ، اگر اس کے پاس نقدی نہیں ہے تو جتنی زکوٰۃ اس پر واجب ہوئی ہے تو نفسِ سونا سے اس کی زکوٰۃ نکال لے ، یا پھر اس کی قیمت لگالے سو جو قیمت اس کی بن جائے تو اس کے بقدر اس کی زکوٰۃ نکال لے اور وہ زکوٰۃ کا مال مستحقینِ زکوٰۃ کو دے دیں ۔

آپ کا بھائی/

خالد المصلح

11/11/1424هـ