سودی بینکوں میں کام کرنے کا کیا حکم ہے؟ حكم العمل في البنوك الربوية

حمد و ثناء کے بعد۔۔۔

سُودی بینکوں میں ملازمت کرنا حرام ہے، چاہے اس کا تعلق براہ راست سود کے ساتھ ہو یا سود کی حمایت کرتا ہو ، ارشاد باری تعالیٰ ہے: ﴿اور گناہوں کے کاموں میں باہم ایک دوسرے کی معاونت نہ کیا کرو﴾ [المائدہ: ۲] اور صحیح مسلم {۱۵۹۸} میں ہشیم اور ابو زبیر کے طریق سے حضرت جابرؓ سے مروی ہے کہ: ’’اللہ کے رسولﷺنے سود کھانے والے ، اس کے کھلانے والے ، اس کے لکھنے والے ، اور اس کی گواہی دینے والوں پر لعنت و پھٹکار برسائی ہے، اور فرمایا : یہ سب برابر ہیں‘‘۔ واللہ أعلم

آپ کا بھائی/

خالد المصلح

27/03/1425هـ