حاملہ عورت جس پر قضاء روزے ہو اور رمضان کا مہینہ آجائے، اس کے لئے کیا حکم ہے؟ الحامل إذا أدركها رمضان وعليها أيام قضاء

حمد و ثناء کے بعد۔۔۔

اللہ کی توفیق سے ہم آپ کے سوال کے جواب میں کہتے ہیں:

اگرعورت حمل کی وجہ سے قضاء روزوں کی طاقت نہ رکھتی ہو تو اس حالت میں قضاء رمضان کے بعد کرے گی ۔ اللہ کے اس فرمان کی رو سے: (جو تم میں سے مریض ہو یا سفر پر ہو تو وہ دوسرے دنوں میں اتنی ہی عدد پوری کرلے) (البقرۃ:۱۸۴)

اور حاملہ بھی اس مریض کے حکم میں ہے کیونکہ اس کو بھی کھانے کی حاجت ہوتی ہے ۔ اور اہل سنن نے نبیﷺسے یہ نقل کیا ہے: (اللہ عزوجل نے مسافر سے نماز اور روزہ کا کچھ حصہ ہٹا دیا ہے اور حاملہ اور دودھ پلانے والی سے بھی) اس کا مطلب یہ ہے کہ حاملہ کو اس رخصت کی وجہ سے اجازت دی گئی ہے لہذا قضاء اس کے بعد کرے گی ان شاءاللہ ۔

اور کیا اس پر کھانا کھلانا بھی لازم ہوگا؟ نہیں کھانا کھلانا اس پر لازم نہیں بلکہ اس پر صرف قضاء ہے کیونکہ آیت میں نص صرف قضاء پر ہے، (جو تم میں سے مریض ہو یا سفر پر ہو تو وہ دوسرے دنوں میں اتنی ہی عدد پوری کرلے)