حامداََ ومصلیاََ

امابعد

پہلا جواب:  جی ہاں ، یہ درست ہے ۔

 دوسرا جواب:  اہلِ علم کے اقوال کے مطابق دو اقوال میں سے صحیح قول یہ ہے کہ سنت تو یہ ہے کہ موزے کے اوپر والے حصہ پر مسح کیا جائے نیچے والے حصہ پر نہیں ۔اور اس پر شاہد وہ حدیث ہے جسے امام ابوداؤد ؒ نے (۱۶۲) میں حضرت علیؓ سے روایت کی ہے کہ :’’اگر دین عقل و رائے کی بنیاد پر ہوتا تو موزوں کے اوپر کے بجائے نیچے مسح کرنا زیادہ أولیٰ ہوتا۔ جبکہ میں نے اللہ کے رسولﷺکو موزوں کے ظاہر پر مسح کرتے ہوئے دیکھا‘‘۔اور اہل علم کی ایک جماعت کا یہ قول ہے کہ موزوں کے اوپر اور نیچے دونوں پر مسح کرنا سنت ہے اور انہوں نے اس حدیث سے استدلال کیا ہے جس کو امام ابو داؤد ؒ نے (۱۶۵) میں حضرت مغیرہ بن شعبہ ؓ سے نقل کی ہے کہ :’’آپﷺنے موزوں کے اوپر والے حصہ پر بھی مسح کیا اور نیچے والے حصہ پر بھی ‘‘۔ لیکن یہ حدیث معلو ل ہے جیسا کہ امام ترمذی ؒ نے کہا ہے اور ائمہ کرام(امام بخاریؒ اور ابوزرعہؒ وغیرہ) نے اسے ضعیف قرار دیا ہے ۔ واللہ أعلم