حمد و ثناء کے بعد۔۔۔

بتوفیقِ الہٰی آپ کے سوال کا جواب درج ذیل ہے:

یہ دن جس میں حیض کا خون رک گیا تھا یہ بھی حیض کے ایام میں ہی شمار کیا جائے گا اسی وجہ سے یہ عورت اس دن کی قضاء بھی کرے گی اور اس پر نماز بھی واجب نہ ہو گی، کیونکہ خون کا دوبارہ جاری ہو جانا اس بات پو دلالت کر رہا ہے کہ ابھی حیض منقطع نہیں ہوا تھا۔ یہ معاملہ بہت سی عورتوں کے ساتھ پیش آتا ہے کہ ایک دن کیلئے خون رک جاتا ہے یا آدھے دن کیلئے اور بعض کے ساتھ تو یہ بھی ہوتا ہے کہ ڈیڈھ دن تک رکا رہتا ہے، مگر اس سے یہ عورت حیض کے ایام سے نہیں نکلتی اور یہی علماء کے ہاں راجح قول ہے۔