امابعد

اس بات پر اجماعِ امت ہے کہ جب تک انزال نہ ہو تب تک مشت زنی اور احتلام سے غسل واجب نہیں ہوتاکیونکہ امام مسلمؒ نے(۳۴۳)میں سعید بن خدری ؓ کی روایت نقل کی ہے کہ آپﷺنے ارشاد فرمایا:’’پانی ’’پانی‘‘ سے ہی ہوتاہے‘‘۔ اور امام بخاریؒ نے (۱۳۰) میں حضرت زینب بنت ابی سلمہ ؓ سے روایت نقل کی ہے وہ فرماتی ہیں کہ:ام سلیمؓ اللہ کے رسولﷺکے پاس آئیں اور عرض کرنے لگی: اے اللہ کے رسول!  بے شک اللہ تعالیٰ حق کہنے سے حیا نہیں کرتے لہٰذا اگر عورت کو احتلام ہوجائے تو کیا اس پر غسل واجب ہوگا؟ اللہ کے نبیﷺنے ارشادفرمایا:جی ہاں، اگر وہ پانی دیکھے‘‘۔احناف ، مالکیہ اور شوافع کے جمہور علماء اور حنابلہ کی ایک جماعت نے وجوبِ غسل کے لئے عضوِ تناسل سے خروجِ منی کی شرط لگائی ہے پس اگر وہ منی کے منتقل ہونے اور نزول کے بارے میں محسوس کرے اور اپنے عضوِ تناسل کو پکڑ کر منی کو خروج سے روک دے تو اس پر غسل واجب نہیں ہے ،جیسا کہ پہلے احادیث میں گزرچکااور حنابلہ کا مذہب ہے کہ اس طرح اس پر غسل واجب ہوگا اگرچہ منی نہ نکلے اس لئے کہ پانی کا اپنی جگہ سے منتقل ہونا یہی وہ جنابت ہے جس کے بارے میں اللہ تعالیٰ  نے ارشاد فرمایا:(ترجمہ) ’’ اگر تم جنبی ہو تو اچھی طرح طہارت حاصل کرو‘‘۔لیکن پہلا قول ہی صحیح ہے ، اسی وجہ سے اگر انزل نہیں ہوتا یہ سب کچھ کرنے کے بعد جو آپ نے بیا ن کیا ہے شہوت کو پورا کرنے کے ساتھ تو آپ پر غسل واجب نہیں ہے ۔ واللہ أعلم۔